BLOGGER TEMPLATES AND TWITTER BACKGROUNDS »

Tuesday, June 19, 2007

ماذا يعنى القهر بالنسبه لك؟؟؟



الــــــــــــقـهــــــــــــر



كلمه قصيره تحمل اصعب معنى ممكن تحسه فى حياتك



وبرده ممكن يكون معناها لذيذ؟؟؟




ايه البطيخ الللى انا بقوله دا!!!!!!!؟



القهر او الذل او الانكسار بيكون طعمه حلو اوى


لو كان لربنا فقط



بجد احساس الذل لله من اجمل الاحاسيس اللى ممكن يحسها الانسان مننا فى حياته



يكفى انك ساعتها بتكون شايف الدنيا كلها صغيره ولا تسوى وان الحد اللى انت بتكلمه وبتتزلل ليه ده هو اللى فى ايده كل شئ



معنى الانكسار لله دا معنى عظيييم اوى لو فتحنا فيه مش هنقفل




(يلا ربنا يمسيها بالخير التروو ويعنى كساؤها )




اما بقى المعنى الصعب هو القهر الواقع عليك من بنى ادم زيك



و خصوصا لو البنى ادم ده له سلطه (بضم السين) عليك يعنى ما تقدرش تقول ليه بم .... والااااااااااااااااا



مش هتلاقى نفسك




والاصعب من كدا ان القهر او الظلم الواقع عليك يكون بيمنعك من حاجه عزيزه عليك


سواء كانت


افكااااااااااار او اشخاااااااااااااص



وااه بقى لو كانت الاتنين


بجد احساس زباله ويارب ما حد فيكم يشوفه


(ولونى عارفه ان معظمكم جررب عالاقل واحد فيهم)



بس هنعمل ايه بقى


ما باليد حيله







Wednesday, April 18, 2007

مين فينا الضحيه؟؟


بعد غياب منقطع النظير

عــدنــــــــا


مشهد (1):صحيت من النوم متاخره كالعادة وبلبس جرى فى جرى عشان الحق السكشن

_ياترى عشان هو مهم ولا عشان الغياب_

عالعموم ده مش موضوعنا . الحمدلله خلصت ونزلت عشان اركب الميكروباص

اذ اوفوجا والاقى واحده من صحابى بتوع الثانوى ...يااه فينيك يا بنتى...

وسلامات حاره..وبعدها نركب مع بعض .وطبعا الطريق نص ساعه

فازاى هتفضل ساكته تبدا تسالنى عن اخبارى؟ وصحابى بتوع الكليه؟ فاقوللها الحمدلله ..

طبعا زوقيا لازم اردلها السؤال

_و_لونى مش بحب اتكلم فى المواصلات بفضل التفكير والتامل

فضلت بقى باقى النص ساعه تحكى اد ايه هى ضحية صحابها الجداد والقدام

واصل انا اللى طيبه وهبله ومبتعلمش



مشهد (2): الحمدلله وصلت الكليه...يااه كمان الدكتور رضى يدخلنى..قشطه

جدن..يلا بقى ابدا اركز عشان افهم لانى واخده عهد على نفسى مدام حضرت يبقى لازم افهم

اذ بزماييلى اللى ورايا فتحو حوار.... ايه دا بيتكلمو فى نفس الموضوع

بردو هم ضحية تعاملات الناس والزمن ده مش زمننا وهكذا ....,,طبعا

ساعتها كنت محتاره ارضى فضولى العلمى ولا ال..... اختيار صعب



مشهد (3):نزلت من السكشن بدرى ..الحمد لله الحق افطر قبل السكشن التانى ..جبنا

الفطار وقعدنا عالرصيف عشان ناكل ....الاقى الناس اللى قعدين حوليا

كلهم بيتكلمو فى نفس الموضوع.....ايه دا دى حاجه مش طبيعيه فعلن


للاختصار..فى لحد مشهد 10 كلهم بنفس الطريقه ...اكلم واحده قريبتى اطمن عليها

الاقيها زعلانه ..مالك؟ اصل محدش بيطمر فيه....ومحدش...وهكذا

ادخل عالبلوجات الاقى الناس كتبين قصايد فى اد ايه احنا بنهتم وندى والاخر بنتجرح



فى ايه بقى؟فى ايه؟ وبعدين؟

انا حاسسه انى حصل لى بلوك فى دماغى ...مهو مش معقول كل الناس دى مظاليم

والطرف التانى زباله....قعدت افكر ليه ديما كل واحد فينا حاسس انه ضحية تعاملات الاخرين؟

ديمن بيقدم السبت والحد والاتنين كمان ومش بيلاقى غير الضرب على افاه.....انا

من وجهة نظرى شيفه اكيد الموضوع ليه اكتر من تفسير.....اولا

ممكن تكون القضيه قضية تعايش احنا معدناش عرفين نتعايش مع بعض ديما بنشوف الحاجات

بعيننا احنا بس محدش فينا بيكلف خطره ويشوف بعين الطرف الاخر ..ولوننا لو عملنا كدا

اكيد هنوصل لخيط رفيع من بتاع روفى يحل لينا المشكله دى.



وبردو ممكن تكون القضيه قضية سوء تقدير وادارة نفس مننا ....ازاى؟ ..بصو انا

هشرحها بشكل رياضى فبلييز تركييز:و


عندنا (ا ,ب,ج) دول اشخاص ..(ب) بيهتم ب(أ)بنسه 70% وب(ج) بنسبة20% تمام؟

اما بقى (أ) فالشخص (ب) اصلا مش فى دماغه بس لانه حد بيتعامل معاه حلو فهو بيهتم بيه (40%)و

كدا هو حاسس انه شايله من عالارض شيل ..اما (ج) فهو عنده (ب) حد مهم فنسبته(50)تمام؟

من المثال ده كل شخص من التلاته حاسس انه ضحية الاخرين (ب) ضحيه (أ) و(ج) ضحية(ب)وهكذا

يعنى خد بالك ممكن تكون فى عز ماانت حاسس بالظلم من نحية حد ..انت ممكن تكون ظالم حد تانى


الهدف من المثال ده حاجتين الاولى انى ممكن اكون ظالم ومظلوم فى نفس الوقت

والتانيه: ركز وشوف انت حاط الناس فى اماكنهم الصحيحه ولا لا ودا يرجعنا لنظرية (المدارات)بتاعة

يحياوى او حلاوه باشا . الانسان زى النواه . النواه بيدور حولها الكترونات .لكل الكترون

مدار ثابت .وممكن للالكترون انه يتنقل من مدار لمدار على حسب طاقته المكتسبه او المفقوده .بس

طول ما الالكترون فى مدار غير مداره فالذزه فى حالة عدم استقرار.يعنى حط معارفك فى مداراتك

الخاصه بيك وتعمل كانهم الكترونات. وخد بالك ان ملى المدار على اساس مهم جدن

وهو (انت بتمثل ايه عند الشخص ده وهو بيمثل ايه عندك)ساعتها

بجد هنرتاااح كتييييييييير


وبصراحه انا بردو شايفه ان ممكن يكون فى سبب تالت وهو (الفاضى يعمل قاضى) لان معدتش حد

ليه قضيه فى حياته مقتنع بيها وحاببها وعايشها بنسه100%فبنحاول ندور على حاجات تشغلنا

وزوزيتا ردت على ده فى بوستها الاخير تعلمت من الحياه انى محكمش على حد لانهم ماعينونيش قاضى


دى يا جماعه وجهة نظرى الشخصيه وانا مستنيه تعليقاتكم عليها وكمان وجهة نظركم انتو ايه؟

وربنا يسهل بقى للبوست الجى.

سلامو عليكو

Sunday, April 1, 2007

writers write,if u want 2 b writer,just write




بدايتن كدا انا اصلن عمرى فى حياتى ماجربت اكتب
ولا اصلا كنت بفكر انى عاوزه اكتب
حتى ديمن كنت ببص لاشخاص ما اعرفهم واقول
سبحان الله الناس دى بتجيب الكلام ده منين
واقول انا عمرى ما هبقى كده بس والله من غير حسد بدليل ما شاء الله
كل واحد فيهم عامل بلوجايه احسن من التانيه
وفضلت المشكله دى عندى بس ماكنتش مارقانى
يعنى مكنتش بقول انا عاوزه اكتب بس للاسف مش بعرف
العكس كان الموضوع عندى بسيط جدن
بس فى وقت من الاوقات لقيت كل الاشخاص اللى حوليا بيعرفو يكتبو
وكمان كنت بحس لما واحد فيهم بيكون متضايق ويكتب اى حاجه سواء شعر او
خواطر بيرتاح فقلت لنفسى بما انى اصلن لما بكون متضايقه مش بحب افضفض لحد
فقلت ممكن لو جربت اكتب هحس ان دا احسن ليا كتير فى حالات الكآبه المتكرره
فجربت بس للاسف التجربه بائت بالفشل لانى قعدت اكتب فى نقطه واحده من الحاجات
اللى مضايقانى فى صفحتين وانا بقى يومها كنت متضيقه تقريبا من الحياه كلها
فقلت لنفسى ده كله فى نقطة واحده امال بقى لو كملت ايه اللى هيحصل
ومن يومها وانا قلت كــفــــــــــــايـــــــــــــة
بس مرت الايام وفوجئت لقيت حاجه جديده كل الناس اللى حالهم زى حالى اتلمت عليها
وعاجباهم اوى وشبه لقو فيها نفسهم بعد ما كانوووو....الا وهى
عــالـم البــلوجـات السـحـرى
فساعتها فرحت جدن لما عرفت اننا لقينا حاجه تلمنا وتعبر عننا
فى نفس الوقت كنت زعلانه لانها تعتمد اعتماد رئيسى على الكتابه
ساعتها بقى لقيت المشكله القديمه بدات تنط فى وشى تانى
وبما ان الكل اقتنع بفكرةالبلوجات وداس فيها كمان فانا بكده فرض عليا الواقع
انى ابقى زيهم مش تقليد اعمى
لا العكس دا حب فى انى ابقى موجوده فى وسط الناس دى حتى لو مكنتش بحب الكتابه
واللى شجعنى اكتر انى مقتنعه ان مفيش حاجه الانسان ميعرفش يعملها
لاننا اخدنا فى التنميه البشيه جمله جمده جدن
(كل شئ يمكن اكتسلبه ماعدا النبوه)
ومن يوم ما قررت ابدا رحلتى الشاقه مع الكتابه وانا مفيش يوم بيعدى
عليا مرتاحه انام زى البنى ادمين الطبيعيين او اصحى زيهم كل يوم قبل ماانام
افضل بالساعات افكر فى بوست اكتبه جت لى افكر بعدد شعر راسى
طول اليوم مواضيع ريحه ومواضيع جايه وبعد مااقول
خلاص هبدا بده اخيرن لقيته للاسف اول ماامسك القلم الاقى الكلام طار
وساعات تانيه الاقى ربنا فتح عليا ومن كترالكلام و الافكار الاقى كل حاجه دخلت فى بعضها
ساعتها احس انى عاوزه اشد شعرى او اضرب نفسى باى حاجه على دماغى عشان افوق
واللى يشللنى اكتر بقى ولا حرام مكنش بيشللنى كان بيحمسنى اكتر
ان كان فى ناس عندهم نفس مشكلتى مع الكتابه
فجاه لقيتهم ماشاء الله مبيبطلوش يصحو يكتبو وينامو وهم بيكتبو
دا حتى ساعات كانو بيصحو من النوم عشان يكتبو وينامو تانى
المهم يعنى انى بعد محاولات مستميته لكتابة اول بوست قلت ابد بده
عشان تدعولى
والقاكم فى البوست الجاى ان شاء الله
سلاااااااام