بعد غياب منقطع النظير
عــدنــــــــا
مشهد (1):صحيت من النوم متاخره كالعادة وبلبس جرى فى جرى عشان الحق السكشن
_ياترى عشان هو مهم ولا عشان الغياب_
عالعموم ده مش موضوعنا . الحمدلله خلصت ونزلت عشان اركب الميكروباص
اذ اوفوجا والاقى واحده من صحابى بتوع الثانوى ...يااه فينيك يا بنتى...
وسلامات حاره..وبعدها نركب مع بعض .وطبعا الطريق نص ساعه
فازاى هتفضل ساكته تبدا تسالنى عن اخبارى؟ وصحابى بتوع الكليه؟ فاقوللها الحمدلله ..
طبعا زوقيا لازم اردلها السؤال
_و_لونى مش بحب اتكلم فى المواصلات بفضل التفكير والتامل
فضلت بقى باقى النص ساعه تحكى اد ايه هى ضحية صحابها الجداد والقدام
واصل انا اللى طيبه وهبله ومبتعلمش
مشهد (2): الحمدلله وصلت الكليه...يااه كمان الدكتور رضى يدخلنى..قشطه
جدن..يلا بقى ابدا اركز عشان افهم لانى واخده عهد على نفسى مدام حضرت يبقى لازم افهم
اذ بزماييلى اللى ورايا فتحو حوار.... ايه دا بيتكلمو فى نفس الموضوع
بردو هم ضحية تعاملات الناس والزمن ده مش زمننا وهكذا ....,,طبعا
ساعتها كنت محتاره ارضى فضولى العلمى ولا ال..... اختيار صعب
مشهد (3):نزلت من السكشن بدرى ..الحمد لله الحق افطر قبل السكشن التانى ..جبنا
الفطار وقعدنا عالرصيف عشان ناكل ....الاقى الناس اللى قعدين حوليا
كلهم بيتكلمو فى نفس الموضوع.....ايه دا دى حاجه مش طبيعيه فعلن
للاختصار..فى لحد مشهد 10 كلهم بنفس الطريقه ...اكلم واحده قريبتى اطمن عليها
الاقيها زعلانه ..مالك؟ اصل محدش بيطمر فيه....ومحدش...وهكذا
ادخل عالبلوجات الاقى الناس كتبين قصايد فى اد ايه احنا بنهتم وندى والاخر بنتجرح
فى ايه بقى؟فى ايه؟ وبعدين؟
انا حاسسه انى حصل لى بلوك فى دماغى ...مهو مش معقول كل الناس دى مظاليم
والطرف التانى زباله....قعدت افكر ليه ديما كل واحد فينا حاسس انه ضحية تعاملات الاخرين؟
ديمن بيقدم السبت والحد والاتنين كمان ومش بيلاقى غير الضرب على افاه.....انا
من وجهة نظرى شيفه اكيد الموضوع ليه اكتر من تفسير.....اولا
ممكن تكون القضيه قضية تعايش احنا معدناش عرفين نتعايش مع بعض ديما بنشوف الحاجات
بعيننا احنا بس محدش فينا بيكلف خطره ويشوف بعين الطرف الاخر ..ولوننا لو عملنا كدا
اكيد هنوصل لخيط رفيع من بتاع روفى يحل لينا المشكله دى.
وبردو ممكن تكون القضيه قضية سوء تقدير وادارة نفس مننا ....ازاى؟ ..بصو انا
هشرحها بشكل رياضى فبلييز تركييز:و
عندنا (ا ,ب,ج) دول اشخاص ..(ب) بيهتم ب(أ)بنسه 70% وب(ج) بنسبة20% تمام؟
اما بقى (أ) فالشخص (ب) اصلا مش فى دماغه بس لانه حد بيتعامل معاه حلو فهو بيهتم بيه (40%)و
كدا هو حاسس انه شايله من عالارض شيل ..اما (ج) فهو عنده (ب) حد مهم فنسبته(50)تمام؟
من المثال ده كل شخص من التلاته حاسس انه ضحية الاخرين (ب) ضحيه (أ) و(ج) ضحية(ب)وهكذا
يعنى خد بالك ممكن تكون فى عز ماانت حاسس بالظلم من نحية حد ..انت ممكن تكون ظالم حد تانى
الهدف من المثال ده حاجتين الاولى انى ممكن اكون ظالم ومظلوم فى نفس الوقت
والتانيه: ركز وشوف انت حاط الناس فى اماكنهم الصحيحه ولا لا ودا يرجعنا لنظرية (المدارات)بتاعة
يحياوى او حلاوه باشا . الانسان زى النواه . النواه بيدور حولها الكترونات .لكل الكترون
مدار ثابت .وممكن للالكترون انه يتنقل من مدار لمدار على حسب طاقته المكتسبه او المفقوده .بس
طول ما الالكترون فى مدار غير مداره فالذزه فى حالة عدم استقرار.يعنى حط معارفك فى مداراتك
الخاصه بيك وتعمل كانهم الكترونات. وخد بالك ان ملى المدار على اساس مهم جدن
وهو (انت بتمثل ايه عند الشخص ده وهو بيمثل ايه عندك)ساعتها
بجد هنرتاااح كتييييييييير
وبصراحه انا بردو شايفه ان ممكن يكون فى سبب تالت وهو (الفاضى يعمل قاضى) لان معدتش حد
ليه قضيه فى حياته مقتنع بيها وحاببها وعايشها بنسه100%فبنحاول ندور على حاجات تشغلنا
وزوزيتا ردت على ده فى بوستها الاخير تعلمت من الحياه انى محكمش على حد لانهم ماعينونيش قاضى
دى يا جماعه وجهة نظرى الشخصيه وانا مستنيه تعليقاتكم عليها وكمان وجهة نظركم انتو ايه؟
وربنا يسهل بقى للبوست الجى.
سلامو عليكو
43 comments:
يا ويلكم يا ويلكم
و الله اضافه بجد .. ايه ده كله
اولا انا لو مكانك فى الاختبار الصعب كنت هابعتى ودنى للناس اللى ورايا لان كلام الدكتور ممكن اسأل فيه حد من زمايلى و يشرحهولى انما كلامهم بقى مين اللى هيقولى عليه ... مش حصل كده برده ؟؟
حبتين جد بقى
******
القضيه قضية سوء تقدير وادارة نفس
بالنسبة للتأمل في الميكروباااص فطبيعي هتتأملي كلمات الشاعر الكبير محروق الدهل وهوه بيقول فتحت قرن حبيبي بمطواة
وأما بالنسبة للسيكشن فزي عاشق ما قال ... كان ممكن تقوليلهم علو صوتكم شوية علشان متابعة الموضوع
وأما بالنسبة لمين الظالم ومين الضحية ... فكلنا ظلمة وكلنا ضحية ... بس بنسب
يعني ممكن أكون بسأل دايما على حلاوة ... وعاشق ولا معبره .. وهوه اللي بيسأل ...يبقى أنا ضحية لحلاوة اللي ما بيسألش وبردها لعاشق اللي بيسأل ... وهكذا تتضح المواقف ... موضوع جامد ... إلى الأمام
حلو قوي البوست ده بجد يا""لو مغيرتيش الاسم ده انا هنتحر" وبيتناقش في موضوع بجد خطير لكن قبل ماندخل في الموضوع احييكي على انك عرفتي تحطي الارقام في اماكنها الصحيحه في وسط البوست لإني بجد الحته دي هيه اللي ركزت فيها جدا معرفش ليه يمكن علشان تكون طبيعة كليتي اول مااشوف رقم اجري اشوف بتاع ايه
بالنسبة للناس ممكن يكون كل نظرياتك دي صح
لكن انا شايف ان السبب ان الواحد بيشوف بس اللي هوه بيعمله كبير قوي وبيشوف اللي بيتعمله ده شيء طبيعي
وكان لازم في الاساس يتعمل له
وده فعلا اللي بيخيلينا شايفيني الحياة صعبه لكن انا شايف ان الموضوع ده حله الوحيد بجد يا"برضه لو مغيرتيش اسمك هنتحر" ان الناس تكبر لو حس ان حد تاني عمل حركة نداله معاه وياخدها عادي ومفيش مشكلة لكن للأسف ده مش حل مع الكل لإن في ناس بتشيل قوي في قلبها ومبتقدرش تنسى حتى لو قلبها نسي عقلها عمره ماهينسى
ربنا يوفقك والبوست بجد بيناقش قضيه مهمه جدا وكويس انك بدأتي البدايه دي انا كل يوم كنت بدخل على البلوجايه بتاعتك واوقول امتى هتكتبي بوست جديد بس
وكل يوم احس انه استحاله انك تكتبي كلمه لكن الحمد لله اديكي بدأتي وربنا معاكي
بصي بقة يا استاذة انا كان نفسي حد يعمل موضوع زي ده
مش هتكلم عن المشاهد ولا هتكلم عن الميكروباص ولا هتكلم عن السيكشن انا هتكلم عن لب الموضوع
هقول اسباب على سبيل العد لا الحصر
الواحد ممكن بيعمل حاجات كويسة لشخص ما ومنتظرانو يردهالو يلاقي التاني بيردهالو حاجة تانية حتى لو كانت كويسة بس اقل مما كان يتوقع فيعتبرو ظلم
ثانيا الواحد ممكن يقعد يعمل في حاجات كويسة ويعمل ويتعب نفسو وفي الاخر خالص يعمل حاجة غلط الناس تسيب كل الي عملو حلو وتمسكلو على الغلط
ثالثا تلاقي الواحد عامل حاجات كويسة والتاني يعملو حاجات كويسة بس وجهات النظر تختلف
رابعا ان انت تثق في بني آدم وتديلو وفي الاخر تلاقيه بلعب من وراك ... والتاني يا حرام مكنش بيلعب من وراك ولا حاجة ده كان بيعملك حاجات كويسة بس مش عاوز يقولك عشان ميحرجكش بمساعدتو ليك فالاتنين هنا كل واحد شايف نفسو مظلوم والتاني ظالم
.... الخ
الحلول الي عندي ان كل واحد يواجه التاني بالي عندو والي يطلع غلطان يعتزر والتاني يسامح
اما بالنسبة للمدارات والمثال بتاع حضرتك انا مفهمتهمش :)
تعيش رومي
مش قلتلك يا قمر اكتب انت بس وربنا هيفرجها
بس انتي اللى مكسلة تفكري وتاكلي وتنامي
مكسلة تعيشي أصلا
بطلع لسااااااااااني
لما أحاسب الناس وما أحاسبش نفسي
ممكن أحس إني ضحية
لما أبص لاحتياجاتي وظروفي ورأيي وما أبصش لظروف الناس واحتياجاتهم وآراءهم ممكن أحس إني ضحية
لما أحمل الآخرين مسئولية كل شيء بيحصللي ممكن أحسن إني ضحية
لما أكرم اللئيم وأحط الناس في غير أماكنهم
وأفتكر اللى ناسيني وأنسى اللى فاكرني
أكيد هحس إني ضحية
بس معلش
أنا اللى جايبه لنفسي بغبائي
الإنسان يخطيء كثيرا في حياته
لكنه لا يعد فاشلا إلا إذا ألقى اللوم على الآخرين
عم أنيس منصور بينفعنا ساعات
كمان عايز أضيف حاجه
إني أبان الضحية والمجني عليه شكلها أحلى بكتير على القلب مما أعترف إني غلطان وكسلان ومحدود الأفق والرؤية
و دا حقيقي عند معظم الناس
ربنا يبارك فيكى يارورو والله بجد موضوع فظيع اوى ابجد مفروض الواحد يراجع نفسه تانى لان فعلا دى حقيقة والناس كلها بتحش الاحساس ده يلا ربنا يبارك فيكى ويكرمك
هاجر
اولا الموضوع فوق الفظيع بجد تحوفه
حلو اوي المثل بتاع أ,ب,ج
هو انا عند راي الاحساس بالناس دا شي صعب اوي
انا احس انك بتحبيني اكيد هيوصل لكن الاصعب انك تخليني احبك بنفس ماانت بتحبيني
اني احب أ واكبر ل ب ماان ب بيحبني جدا دا مش غلطي لوحدي ده غلط منه هو كمان علشان معرفش يخليني احبه وسايب المجال أ
انما دور الضحيه انا مش بحبه اطلاقا انا علشان مين ابقى ضحيه وليه يعني ياما اتحدى نفسي اولا والشخص اللي ادامي وخليه يهتم بيا زي ياما بلاها العلاقه اللي هتوجعيني دي
وبعدين انا بجد ساعات الموضوع بيسببلي مشاكل كتير بس انا جربته واتعمل فيا يعنى خالصين فعلا كل واحد بيجي عليه وقت يبقى ضحيه ويبقى هو اللي ظالم
وعشان الموضوع ده يتحل فمقعدش اشغل نفسي انا ضحيه ولا ومحكمش على حد
انا اشوف يفرق الشخص ده معاي يبقى كل الوسائل متاحه اني اوصله
مايفرقش وعشان انا ذوق فحاول اني ماجرحوش لاني اللي هيعمله في هيتعمل فيا
والحياه علمتني انه نعم مافيش حاجه تستهل انك تحبها حتى لو كان الحاجه دي ناس مش لاني ضحيه واتبهدلت والحاجات دي بس لان عيش الدنيا وانت غريب يعني ماتعشمش في حد علشان ماتخسرش نفسك اولا ولا الناس ثانيا
فخلي كل العلاقات تيك اوي ويوم ماتحس انك زهقت خليلك واحد او اتنين وكفايه
اخيرا هي اللي رد عليك في الاخر هاجر بتاعتي
بس بجد موضوع جااااااااااااامد
بجد الموضوع رائع
ومحتاج للمناقشه
كلنا ممكن نغلط في اي حد احنا بشر مش ملايكة معصومين من الغلط
بس لازم الانسان يعترف بغلطه
وكمان لازم بجد نتعود نسامح الناس عشان الناس كمان تسامحنا
وبجد
أنا عاوزه ققول لonetruething
ا)
والحياه علمتني انه نعم مافيش حاجه تستهل انك تحبها حتى لو كان الحاجه دي ناس مش لاني ضحيه واتبهدلت والحاجات دي بس لان عيش الدنيا وانت غريب يعني ماتعشمش في حد علشان ماتخسرش نفسك )
يريت تكوني متفائله عن كده
واذا كان ده الي اتعلمتيه من الحياة يبقي
اسمحيلي ققولك
انتي متعلمتيش حاجه
وبعدين عاوزه تفهميني ان مفيش حد في حياتك بتحبيه
وبتثقي فيه
راجعي نفسك واتصالحي مع نفسك ومع الناس الي حاليكي
الدنيا صحيح فيها ناس وحشين
لكن لسه فيها كويسين مخلصين
ققلعي النظاره السودا الي علي عينيكي
وبصي للحياة بنظره تانيه
وبصي حواليكي
هتلاقي بجد لسه في ناس بتحب بدون مقابل وبتضحي عشان الي بتحبه
وتستاهل انك تحبيها
علي فكره انا كنت فكراكي شخصيه قويه عن كده ومرنه اكتر من ذلك
علي فكره بعدم ثقتك في الناس ممكن تكوني بتجرحي حد من غير متقصدي
وانا وراكي لحد مغير وجهة نظرك في الدنيا
الحياة بجد ابسط من كده بكتير
دوشتكم
معلش بس كان لازم ارد
ومره تانيه بشكرك يرميله علي انك فتحتي موضوع زي ده
وربنا يوفقك
أنا بجد يارومى مبسوطة من موضوعك ده اوى وبجد اللى يقراه يحس انك فعلا فى علوم بس بجد انا ليه تعليق صغير على رد يويو معلش يايمنى انا مع مريم انا بجد برضه مكنتش فاكراكى كده خالص بس بجد انتى لو فضلتى كده معندكيش ثقه فى حد والله هتتعبى هتتعبى اوى كمان وبجد لازم تتعلمى حاجة ان الناس دواير الدايرة اللى حوليه علطول دى اقرب ناس ليه ودول اللى يبقوا عارفين عنى كل حاجة والدايرة اللى بعدها دول ناس قريبين بس برضه مش بديهم كل حاجة عنى والدايرة اللى بعدها واللى بعدها وهكذا لغاية مانوصل لابعد دايرة دول الناس اللى معلوماتهم عنى بسيطة يادو ب الاسم والكليه وخلاص بس مش معقوله اى واحد ماشى فى الشارع يعرف عنى كل حاجة اكيد لازم نكون حريصين شويه بس كونك اتصدمتى فى حد قبل كده يبقى مش لازم اخد فكرة عن كل الناس انها وحشه ومفيش حد يستاهل ومفيش حد كويس بس بجد كل واحد فينا بيبقى محتاج للتانى اوى واسالينى انا انا بيتهيالى معرفتش الاصحاب الا فى الكليه واكيد الواحد لما يحب يفضفض بيفضفض لكوا انتوا واكيد ببقى محتاجة ليكوا اكتر من اى حد
معلش طولت عليكم
اقول قولى هذا واستغفر الله ليك ولكم والسلام عليكم ورحمة الله وبركاته
اختكم هاجر خشبه خطيبة المهندس محمد جمال
3 اداب اعلام اذاعة وتليفزيون
مقاس الجزمة 38:D
ينصر دينك يأستاذ
بوسكاانتيكسوتتننسسسسسسسسسس
الاهي يعمر بيتك ياشيخة
رجعنا للمدارات
بس اللي عجبني حتة الفاضي
الفراااااااااااااغ بيولد مشاكل
قاعد للسقطة واللقطة
كل ماتشتغل كل ماتكبر وتتعلم وتعدي وتنسى بس احنا مصريين بنحب الدراما
يعني أبسط مثال حتى لو هايف
بس للتوضيح أي أغنية غم تجيب مع الناااااااااس جامد وكل واحد يطلع دفتر ذكريات من أول ما أمه وهي بتولده القاسية سابته يبزل ع البلاط
لحد الكليات والوسايط والحكوووكوووكوو
غلوش غلوش
اللي شايفه على قدي انها بيك من غيرك ماشية
فاركب أحسن القطر يفوتك
وشوف انت عايز أنهي محطة
أشوفك بخير
والاستاذة هاجر معانا ع الخط
قالت حاجات يمكن قلناها قبل كده
في المدارات
وزعلت الناس مننا
بس هي معايا بتمشي كده
واحنا دلوقتي تلاتة متفقين آهو الحمد لله
يبقى الفكرة في الواقع نسبة تحقيقها عالية وواكلة مع ناس من تركيبات مختلفة
لو بنتكلم بلغة بتوع الاحصاء
بس خلاص
انا طبعا اول واحدة علقت
بس لايف
بجد الموضوع دا مهم جدا
لان اكيد مش كل الناس ضحايا
انا عن نفسي لما يحصللي حاجة شبيهه
بعتبر اني اما غلطانه أو هو الوحش
او علي رأي حد مش فكراه
غبائنا مش راكب علي بعضه
بس افتكر ان المفروض الواحد يعدي للبيحبهم علي قد ما يقدر ودا عن تجربه مفيد بنسبة 90في الميه
لكن المشكله ان في صنف بيكون عاوز شكل تاني في التعامل
انا عندي تجربه في الزعل وانتي عرفاني عشان ازعل من حد لازم يكون في القلب ساكن وليه من الغلطات كتير ودمغه واتنين موظفين
المهم بزعل من اللي قدامي بقرار
يعني قبل ما أثور لازم افكر كتير
بس في مرة طفح بيا الكيل
وحقيقي ما كنتش فهما هو بيعمل كدا ليه
وساعتها كانت ثورتي ليست علي موقف تافه
ولكن علي علاقة فاشله بقلها سنين
وفي تجربتي دي كان ممكن ابكي علي الاطلال
لكن أنا أكتشفت
اني كنت أفرغ ما لدي في وعاء ...المهم
حسبت العلاقة من جديد لقيت انا ضحيه لياأنا
لان الجواب بيبان من عنوانه
وعيزة أقولك اني اما فكرت
نزلت من نظري صاحب المشكله مش عشان حاجة جديدة عملها لا عشان انا قيمت الشخص صح بعد غباء طويل
أنا عيزة أقول بإختصار عيدوا ميزان الناس قبل ما تنكدوا علي نفسكوا بسببهم
ولو لقيتوه حد يستاهل امسكو فيه بكل قوتكم..........البشر تستاهل تعدي
ليهم عشان خاطرهم
ولو لئيم شيلوه من حساباتكم
لانك اذا أكرمت اللئيم تمردا
بس بجد اليبيشوف انه ضحيه علي طول ضحية البيت والعيلة والأصدقاء
انسان في ماي اوبينيان
معقد نفسيا
الناس هما قيمتنا الحقيقية في الحياة
ودا أكيد كلنا حسينا بيه من خلال صناع بقي لكل واحد وواحدة
بسم الله ما شاء الله
من الإخوات
ودي كانت إضافه لينا كلنا
لان الثروة الحقيقية هي الثورة البشرية
بس بجد يا رومي
الموضوع تحفه وأسلوب العرض راقي ولذيذ
عبقرية زي إخواتك
والله العظيم انتي كاتبة زي الفل وليكي مستقبل ان شاء الله في البطيخ
سلامو عليكووووو
بشكر كل اللى قرا الموضوع وكل اللى علقو بس بجد الكومنتات طويله اوى
عاشق الارواح
يا ويلكم بسعادتك
بعض ما عندكم
ههههه ما كنتش اعرف انك فضولى
وعاوزه اقوللك ان دااللى حصل فعلن
على فكره انا اول ما خلصت كتابة البوست وعملت ريفريش لقيتك علقت
زى ما يكون جالك هاتف الهى انى هنزل بوست حالا
السكاياااار
بشكر ك على مرورك عالبلوجه
وبالنسبه للميكروباص اديهم بيسللونا مش كتر خيرهم بردو
اما بالنسه لصحابى فالدكتوره هزقتهم عشان يسكتو طبعن ساعتها انا ولا اعرفهم...الصداقه بتفرض عليا كدا
انا متفقه جدن معاك فى كلامك وكويس ان فكرة المثال وصلت
ربنا يكرمك
لا فكره النتمل فى الميكروباص حلوه
مش انا الى لما اركب المكروباص
دا اذا عرفت اركبه اساسا
يا اما نايم يا برخم على اصحابى يا على الكمسرى
.........
اما بالنوسبا لفكره الضحيه
فكتيييير اوى لما بيحصل له حاجه من غير تفكير ...انا مش غلطانا انا ملاك انا الضحيه انا جدع
و ميفكرش فى الموضوع بجد و يحلله...حلوه يحلله دى
ولما حد يجى يقوله لا انت الغلطان بقى ده واحد وحش و مش بيحبه و بينحاز للناس التانيه
و انت معانا ولا مع الناس التانيه
التامل مش النتمل
ليه هو احنا فى
ولا ايه
بجد يا رومي موضوع حلو اوى
اما بانسبه لمين ظالم ومين مظلوم فانا شايفه انها ليها نسب معينه
بس اللى يحل كل الكلام ده من وجهة نظري
ان الانسان اللى حاسس انه مظلوه يفكر كويس
ويشوف هو ايه بجد عند التانى
لانه زى ماقلتى ممكن تدى حد60 وهو يديكى 40
انتى بتعمليه علة انه حاجه كهكه فى حلتك اوى او على انه ركن من اركانها
وهو بيعملك على انك واحده عارفها بتجمعكوا مواقف فلازم يبقى كويس معاكى ويديكى شويه
فانتى بتعامليه على اساس وهو بيعملك
على اساس تانى خالص
فعلا هى قضيه سوء تقدير
بس مشكلتها انها بتبقى مرتبطه بالمشاعر
ونسيت اقولك قبل ما الواحد مننا يحاسب الناس ويقول ظلمنى لازم يشوف الاول هل هو فعلا مش ظالم الناس اللى بيقول عليهم ظالمينى
من وجهة نظرهم
ولو إني دماغي باظت لاني من يومي فاشله في الرياضه والتباديل والتوافيق بشكل خاص....بس اقدر اقولك اني فهمت وحسيت قصدك من البوست
................
نظرية الذرة والالمترون حسيتها فعلا لاني جربت قبل كده احس اني الكترون منخفض الطاقه ومش قادر ادخل مدار اقرب لنواة الذرة
.................
وعنك حق:كلنا جُناة وكلنا ضحايا
............
علي فكرة انا كمان مابحبش اتكلم وانا في اي وسيلة مواصلات...باستثناء كلامي مع الكومسري لو كان اموووور
هههههههههههههه
..........تحياتي
وايت هارت
الف سلامه عليك من الانتحار . داانت تأمر يا مشمهندز
انا اتفق معاك بنسبة مليون فى الميه فى جزء ان فى ناس كتير تعتبر اللى بيتعملهم حق مكتسب ليهم وفى نفس الوقت القرد فى عين امه زرافه فلو حد عمل لحد حاجه ولو صغيره بيحسسها كبيره جدن
اما بقى بالنسبه لحكاية تكبير الدماغ فانا بالذات اقسملك انى استاذه فى الحكايه دى بس مفيش حاجه فى الدنيا مفيهاش عيوب وممكن اقولك كام عيب من عيوب الطريقه دى اولا ساعات الناس بتحس انك معندكش دم ويقولو انك مبتحبهمش ومابيفرقش معاك حد فبالتالى كتيير اوى يقلو زوقهم عليك ويقولو اصلها مش هتحس ولا هتزعل
وعيب تانى ودا اصعب عليك جدن جدن جدن انك من كتر تكبير دماغك وتحاول تقنع نفسك انك ولا فى دماغك حد ولا حاجه وانت فعلن بتكون حاسس انك كده مرتاح , بتجيلك بقى ساعات تبقى مخنوق ومش طايق نفسك ومش عارف ايه السبب والسبب ساعتها بيكون انك بتحمل نفسك اكتر من طاقتها فبيجيلك وقت اى حركه صغيره تنططتك ... والله انا حسه اوى بالكلام وخصوصا وانا بكتب دلوقتى لانى لسه حاصللى العيبين بتوع الطريقه دى النهارده وانا فى الكليه
ما علينا المهم الف شكر على ردك . على فكره انا كمان كنت حاسسه انى مش هكتب بوستات خالص وكنت بفكر الغى البلوجه
mawdo3 gamed ya s3at el basha
momken n3tabroh n2as e7sas b el aman fe zaman kol she2 el 7sol 3aleh aw mo3zamoh bykon b el ewa bdon msha3er
allah a3lam!!!!!!!!!!
thu ..thu
الكينج
اهلن بيك يا دوكتور. اخبار الامتحانات ايه ؟ شد حيلك.
بجد عاجبنى اوى كلامك وخصوصا انك مقسمه لواحد واتنين وتلاته
بالنسبه لواحد : فعلن الى قلته ده صحيح بس كان عندى اضافه عليه ان مش معنى كده ان الشخص التانى ده غلطان
واتنين وتلاته فعجبنى جدن واربعه حساها
نفس معنى تلاته
اما الحل فانا برده اتفق معاه بس لو كانت الاشخاص اللى هتتعاتب وهتتصارح باقيه على بعضها وعاوزين يوصلو لحل وفى نفس الوقت كل واحد فيهم يتنازل شويه عشان الدنيا تمشى واكتر حته عجبتنى بتاعة الاسف لانى للاسف بحس ان فى ناس كتير بتتكبر انها تتاسف لحد
اما بالنسبه للمدارات والمثال فبليز حاول تقراهم تانى
دوووووووودى هانم
ازيك ياض؟ منور البلوجه يا... بقى كده انتى هتطلعى اسرارى بره ولا ايه انا خلاث معدش هقوللك على حاجه (بطلع لسانى)و
كلامك كله صح وهو ممكن يكون تلخيص لبوست مش بقللك جوامع الكلم انت ياواد خساره فى البلد دى
عجبتنى اوى انا اللى جيبه لنفسى بغبائى
وحتتة ان الاخف على قلبك انك تبان ضحيه. فعلن فى ناس كتيير تموت فى دور الضحيه وما اكتر الناس اللى بتكدب على نفسها.
يلا عقبال ما كيستك تلع من الانعاش وزى ما قلتلك انا شكه ان طن لييها دخل فى الموضوع
حلاوه باشا
منور البلوجه يا يحياوى.
هو الموضوع له علاقه بدراع مرسى
حكاية الفراغ دى عجبانى انا كمان لانى جربتها فطول ما الواحد مشغول مش بيشغل دماغه بحاجات فضيه
جامد اوى البق الاخير بتاع القطر بيك من غيرك هتمشى
الفتله فوفو
هابـــى بــــيرث داى تويووو
ويارب يا فوفو السنه الجديده تحققى فيها كل امنياتك بس بصراحه السنه اللى فاتت دى اكتر سنه فى حياتنا يتبكى عليها لما تخلص لانها كانت مش عاديه
فهمه كل كلامك وحسساه ومتفقه معاكى فيه كمان. واكتر حاجه عجبانى هى ثروتنا الحقيقيه هى ثروتنا البشريه
كريزى بووووووووى
ازيك يا احمد. هى العقده بتاعة الميكروباصات لسه متحلتش.ههههه ابقى خد جاسمين معاك بعد كده عشان تبقى تركبك
صح محدش بيحب يعترف انه غلطان حتى ولو كان مقتنع انه غلطان
حلوه يحلله دى وخصوصا وانت بتتكلم مع شخصيه محلله
منور البلوجه وشكرن عالمرور
مينوس
وحشانى جدن يااااااا بتاعة اداب
بيتهيالى كلامك كله بيدور فى جزء المدارات زبط مدارك يا باشا وانت هتبقى تمام ...ميناس ..احساس...ء
يويو ومريم وصديقة الطفوله جوجو
انا حسا انكم بتتعاتبو مع بعض على البلوجه...عالعموم انتو شرفتونى (ما عدا يمنى طبعن)بس اسمحيلى يا يمنى انا مش عاجبنى خالص خلى العلاقات تيك اواى وبعدين هاجر ومريم ردو عليكى بما فيه الكفايه وانا بجد بشكرهم لانهم شطفوكى
منوره يا جوجو يا صديقة الطفوله وانتى يا مريم شكرا على مرورك
قـصاقـيص
اقسملك انا فى منتهى السعاده لما لقيك عندى فى البلوجه
انا بجد معجبه اوى بكتاباتك كلها
عاوزه اقولك انى قريت بلوجتك حته حته اكتر من مره
انى بنى ادمه ملهاش حل
ربنا يوفقك وانا بجد عاوزه اتعرف عليكى
وبالمناسبه انا عندى ليكى كومسرى زى القمر بس انتى وافقى .ههههههههه
سلام
جميل انك مش عاوزاني انتحر وكويس ان انا أأمر بس انا متعودتش أأمر انا جاست بطلب مش اكتر غيرتيه مغيرتيهوش ده شيء يرجعلك
وبعدين بالنسبه لموال الناس والتعامل مع الناس ده موضوع لو قعدنا نتكلم فيه مدى الحياة مش هنخلص لإن اصلا حياتنا كلها تعامل وياما الناس بتتخدع وياما بتخدع والحوار مبقاش مجرد انا زعلان من فلان وعلان وده عمل فيا كده وده عمل فيا كده ده اتطور لأكتر من كده لإن دي مش اخلاق الاسلام اللي المفروض نكون عليها وبرضه مش العادات اللي المفروض نتربى عليها
بصراحة مبقتش عارف علاج الموضوع ده ايه لإني بجد خلاص انا بقيت ببص لناس بنظرة تانية وناس بلاقيهم بيتهربو مني بصراحه الواحد يلاقي حد كويس مية في المية في الزمن ده صعب لكن مش استحاله وانا بحمد ربنا ان انا لقيت اتنين
وعلى فكره انا عندي اشعار على موضوع الناس ده لكن مش هنزلهم لإني مش بحب اكئب الناس معايا وبحب اعيشهم في الفرح دايما وده طبعي
عموما انا مش هتكلم كتير في الموضوع ده
اما بالنسبه لقصاقيص فا انا متفق معاكي اني كتابتها اكتر من ممتازة بس برضه محتاجه شوية تعديلات وبيتهيألي انها بارعه في التصوير بس مش بتظبط قوي نهاية التصوير
سلام
ازيك يا محمد؟ اخبار المزاكره ايه؟ والامتحانات ؟ ربنا معاك
بص بالنسبه لتعاملات الناس عشان تريح نفسك فى جمله الرسول قالها من خالط الناس وصبر على اذاهم خير من لم يخالطهم ويصبر على اذاهم
الجمله دى بحس انها بتصبرنى لما اى حد يضايقنى
وفعلن احنا لو قعدنا نتكلم عن التعاملات مش هنخلص لان احنا مش بنتكلم على تعامل مع شخص واحد لا دا مع كل الناس اللى انت عارفهم ولو معرفه سطحيه فطبيعى لو كل واحد فيهم عنده مشكله واحده من وجهة نظرك يبقى مش هنخلص
المهم اننا نراعى ربنا فى التعامل ونتعامل مع الناس باخلاق الاسلام
اما بالنسبه لمحمود وشريف فربنا يخليهملك ويديم صداقتكم ويبعد عنكو عيون الناس قادر يا كريم
احمد ربنا انك لقيتهم
تعيش الناس الفرح ...ممكن... انا بيتهيالى ان معظم كتاباتك ناس بتموت مش كده بردو؟
اما بالنسبه لقصاقيص ممكن تدخل تعلقلها بس وضح تصويرات ايه اللى مش كامله عشان تستفيد
رومى حبيبتى
انا اسفة والله على التاخير عليكى
بس مش عارفه ايه السبب؟؟
لا افتكرت والله دخلت مرتين وكتبت لكن كان البوليس بيكبس
فاضطر اقفل الكمبيوتر سريعن
بس بجد موضوعك اكتر من رائع
وحسيت فعلن انى بقرأ لشخصية محللة
دخلتينا فى رياضةو فيزيا
فكرتينى بالذى مضى
تسلم ايدك يا رومى
وفى انتظار البوست اللى جاى واوعدك هاكون اول حد يرد
سلاموتو
يمكن دي أول زيارة لمدونتك
بس فعلا فعلا للاسف انها اول زيارة
انا داخل ومعرفش انها بتاعة حضرتك بس والله ايه الروعة دي بجد حاجة تحفة
بالنسبة للموضوع بقي فانتي مسكتي كضية غاية في الاهمية وهيا حتة ان كل واحد فاكر نفسة الملاك اللي في جنينة الشياطين فبيعمل فيها بقي انه مضطر يساير الواقع عشان يعرف يعيش فييجي علي ناس تانيين برضه يعيشوا نفس الحالة وهوب تلاقي الكل مظلوم وبريء وفي نفس الوقت الكل في الواقع مش بالبراءة دي
فيبقي هنا السؤال هل إحنا ازدواجيين وبقينا شرانيين
ولا احنا مش مطلوب مننا الحب الحب مع كل الناس واللي عاوزبن الناس تعاملنا بيه مش بنعاملهم بيه
تحياتي واكيد هبقي ضيف دايم علي مدونتك
انا عاجبني اوي ردك الاولاني على محمد بخصوص تكبير الدماغ عشان انا دكتور في تكبير الدماغ اسالي محمد وسبحان الله حصلي الحاجتين الي قولتي عليهم
اما بالنسبة للحاجة الاولانية فانا والحمد لله مش بيهمني ان الناس تقول معنديش دم بالعكس بقابل الكلام ده ببرووود وشريف ومحمد يشهدو
اما بقة الحاجة التانية هيا الي حصلتلي كتير كتير كتير جدا وفعلا لما بتحصلي مببقاش عارف اعمل ايه ببقة زي التايه لا انا عارف انا مخنوق من ايه وفي نفس الوقت تلاقي حاجات كتير جت في دماغك فبهرب من كده باني اروح انام بس للاسف اصحى تلاقيني ارتحت شوية ويرجع نفس الشعور ونفس الخنقة ببقى خلاص هموت
وياريت الي عندو حل لدي يقولو عشان انا يمكن طول منا في مصر وانا يومين عدل و3 على الحالة دي
ثوووووووثووووو
ايه النور ده يا بنتى
اهلا بقسم حيوان وكيميا اللى انا بكرهه
وبالذات بعد ما دخلتوووه
(بطلع لسانى)
نقص احساس بالامان فى زمن كل شئ بيتاخد بالقوه ومن غير مشاعر
النبى عربى وبلوجتى عربى وبليييز ابقى ردى عندى بالعربى
ايه اخبار السى دى هات يا ثوثو؟؟؟؟
زووووزيتا
يا دى اللايت يا كائن
يا بنتى ولا يهمك
انتى هتقوليلى عالكبسه
دانا بمووووت فيها
بس انا ملاحظه حاجه
سعاتك ليه معلقتيش عالموضوع
انتى داخله تهزرى
اظن انى ساله سؤالين فى البوست
وسعاتك ما جاوبتيش عليهم
افسر ده باييه؟
نصيحه كده لو كل تعليقاتك بالشكل ده
معدتيش تدخلى هنا
اوك
(وش احمر)
مستكنيص
منور يا دوكتر الله يكرمك
وعودن احمد لعالم البلوجات
والله انا شخصيا مش عرفه
دا شرف ليا انك تكون ضيف دايم لبلوجتى
الكينج
ايه دا
هم فتحو قسم جديد فى الطب ولا ايه
على فكره انا بردو عاوزه اللى يلاقى حل لدهه يقوللى انا كمان
بس بصراحه انا بتجريب طرق كتير حسيت ان حل التكبير ده احسن الوحشيين
وبالنسبه لكلامك الاخير
خليك فاكر من خالط الناس وصبر على اذاهم خير من لم يخالطهم ويصبر على اذاهم
والله انا مش لاقي حل بردو احسن من التكبير وديما بفتكر الحديث بس ساعات ببقى خلاص
وساعات بتهون عليا نفسي وحاجات بقة الكآبة والغم دي كتير
صحيح تعالي البلوجاية عندي في موضوع هيعجبك اوي اوي
الموضوع جميل جدا والله ودى مشكلة صعبة اوى انك تلاقى حد جاى يشكيلك من حد تانى
تحسى ان الحد ده مظلوم جدا من الحد التانى
ولما يجيلك الحد التانى ده يشكى من الحد الاولانى تلاقى ان الحد الاولانى ظالمه اكتر من اى حد
مش عارف انا احدود كترت معايا ليه بس والله البوست ده
مهم جدا
امضاء
..........
بوتانيستوووووووووو
لأ ده انتي عديتي الاتنين الكبااااار بمراحل ... انتي نزلتي بوست ودخلتي تنامي ولا إيه؟؟؟
أولا شدي حيلك في الامتحانات
ثانيًا شدي حيلك في اللي غير الامتحانات
ثالثا ابقي ادخل اكتبي أي حاجة
قوللي حاجة ... أي حاجة ... قول قرفتك قول خنقتك ... بس قوللي أي حاااجة
بجد وحشتووووونا كلكم طمنونا عليكم ... ربنا معاكم ويعينكم
انت يا وااااد عامل إزاي في الامتحانات
طمني عليييك ويلا بقى ارفع الستار وخاوي البوست ببوست جديد ... كل ما ادخل الاقي واحد واقف على باب بلوجتك بيقوللي مين الضحية ... برد على طوووول ضحية كاريوكا
نزل بوست بقى يا عم النباتي والله وحشتنا بقى
والله أنا عارف آخرتها هجيبك انت والكائن النيوني صف واحد واخلي عثمان يربطكوا في الشجرة ويجيب الكرباج واضرب الكرباج بالشجرة ... اصل ازاي الشجرة متنزلش بوستاااات؟؟؟ احنا زارعينها ورق عنب؟؟؟
ايه ده ايه ده ايه الترب ده كله
و العنكبوت الى مالى البلوج ده
مش تبقى تدخلو تنضفو البلوج ولا هتسيبوها كده
اخبار النبات ايه
شدى جزعه
قصدى حيلك
ذا فانتوم
اشكرك عالكلام الجميل ده
وبالنسبه للحدود ولا يهمك المعنى وصل
فلاش باك
اهلن وسهلن
تسلم على سؤالك
الحمد لله الامتحانات عدت على خير
ربنا يستر بالنتيجه كمان
اما فى الحاجات التانيه
فالله المستعان
وبالنسبه للبوست الجديد
جاى فى السكه ان شاء الله
بس واحده واحده غيرنا شكل البلوجه الخطوه الجايه البوست
اسفه الرد اتاخر بس عشان معسكر الامتحانات
ربنا يكرمك
ماماااااااادو
ايه النور ده كله
ابقى ابعتلى اختك تنضف معايا البلوجه
عشان عارفاها لهلوبه
حمدالله على سلامة يوسف
دعواتك
Post a Comment